শ্রীশ্রীসন্তদাসাষ্টকম্

ব্রহ্মণে সন্তদাসায় বিশুদ্ধায় মহাত্মনে।
আচাৰ্য্যায় মুনীন্দ্রায় ব্রজবিদেহিনে নমঃ।।১।।
দ্বৈতাদ্বৈত প্রবক্ত্রে চ শ্রীনিম্বার্কানুগামিনে।
পারঙ্গতায় শাস্ত্রাণাং বিদ্যানাং নিধয়ে নমঃ।।২।।

নমঃ প্রশান্তরূপায় ভক্তিমুক্তিপ্রদায়িনে।
কলৌ পূতাবতারায় পতিতোদ্ধারিণে নমঃ।।৩।।
নমস্তে নিৰ্ব্বিকারায় স্বরূপানন্দরূপিণে।
ব্রহ্মভূতস্বরূপায় সর্বভূতাত্মনে নমঃ।।৪।।

সৰ্ব্বপাপপ্রণাশায় যমপাশাপহারিণে।
সৰ্ব্বভূতনিবাসায় স্বাত্মারামায় তে নমঃ।।৫।।
শ্রীরামদাসশিষ্যায় কৃষ্ণপদবিহারিণে।
স্বানন্দপরিপূর্ণায় নমো বিজ্ঞানমূৰ্তয়ে। ৬।।

ক্রীড়া সংদৃশ্যতে যেন কৃষ্ণস্য পরমাত্মনঃ।
বৃন্দাবননিবাসায় সন্তদাসায় তে নমঃ।।৭।।
স্বস্থানে স্থাপিতা যেন সাধুসেবা কলৌ যুগে।
প্রণমামো বয়ং নিত্যং সন্তদাসং তমন্বহম্।।৮।

গুর্ব্বষ্টকমিদং স্তোত্রং প্রেমদাসেন ভাষিতম্।।
শ্রদ্ধয়া প্রপঠন নিত্যং প্রয়াতি পরমাং গতিম্।।
তস্য ক্বাপি ভয়ং নাস্তি তমঃ সূর্যোদয়ে যথা।
ত্রিসন্ধ্যং যঃ পঠেৎ স্তোত্রং স ভক্তিং লভতে পরাম্।।

ইতি প্রেমদাসেন কৃতং সন্তদাসাষ্টকম্ সমাপ্তম্।