ওঁ ধ্যায়েচ্ছিরসি শুক্লাব্জে দ্বিনেত্রং দ্বিভুজং গুরুম্।
শ্বেতাম্বরপরীধানং শ্বেতমাল্যানুলেপনম্।।

বরাভয়করং শান্তং করুণাময়বিগ্রহম্।
বামেনোৎপলধারিণ্যা শক্ত্যালিঙ্গিতবিগ্রহম্।
স্মেরাননং সুপ্রসন্নং সাধকাভীষ্টদায়কম্।।

হৃদ্যাম্বুজে কর্ণিকামধ্যস্থং সিংহাসনে সংস্থিতদিব্যমূৰ্ত্তিম্।
ধ্যায়েদগুরুং চন্দ্রকলাবতংসং সচ্চিৎ সুখাভীষ্টবরপ্রদানম্ ।।

তরুণাদিত্যসঙ্কাশং তেজোবিম্বং মহাপ্রভম্।
অনন্তানন্তমহিম সাগরং শশিশেখরম্ ।।

মহাসূক্ষ্মাং ভাস্করাঙ্গং তেজোরাশিং জগদ্গুরুম্।
মহাশুক্লাম্বরাজস্থং দ্বিনেত্রং দ্বিভুজং গুরুম্ ।।

আত্মোপলব্ধিবিষয়ং তেজসে শুক্লবাসসম্।
আজ্ঞাচক্রোর্দ্ধানিকরং কারণঞ্চ সতাং সুখম্।।

ধর্মার্থকামমোক্ষাঙ্গং বরাভয়করং বিভূম্।
প্রফুল্লকমলারূঢ়ং সৰ্ব্বজ্ঞং জগদীশ্বরম্।।
অন্ত্যপ্রকাশচপলং বনমালা বিভূষিতম্।।
রত্নালঙ্কারভূষাঢ্যং দেবদেবং ভজাম্যহম্।।

আনন্দমানন্দকরং প্রসন্নং জ্ঞানস্বরূপং নিজবোধযুক্তং
যোগীন্দ্ৰমীড্যং ভবরোগবৈদ্যং শ্রীমদ্গুরুং নিত্যমহং ভজামি ।।

ব্রহ্মানন্দং পরমসুখদং কেবলং জ্ঞানমূৰ্ত্তিং।
দ্বন্দ্বাতীতং গগনসদৃশং তত্ত্বমস্যাদিলক্ষ্যম্।।

একং নিত্যং বিমলমচলং সৰ্ব্বধী সাক্ষী ভূতং।
ভাবাতীতং ত্রিগুণরহিতং সদ্গুরুং তং নমামি।।

কৃমিকীট ভস্ম বিষ্ঠা দুর্গন্ধ মলমূত্রকম্।
শ্লেষ্ম-রক্ত-ত্বচং মাংসং তনুঋত্থং বরাননে।।

সংসার বৃক্ষমারূঢ়া পতন্তি নরকার্ণবে।
যেনোদ্ধৃতমিদং বিশ্বং তস্মৈ শ্রীগুরবে নমঃ।।

অখণ্ডমণ্ডলাকারং ব্যাপ্তং যেন চরাচরম্।
তৎপদং দর্শিতং যেন তস্মৈ শ্রীগুরবে নমঃ।।

গুরুর্ব্রহ্মা গুরুর্বিষ্ণু গুরুর্দেবোমহেশ্বরঃ।
গুরুরেব পরং ব্রহ্ম তস্মৈ শ্রীগুরবে নমঃ।।

সৰ্ব্ব শ্রুতি শিরোরত্ন বিরাজিত পদাম্বুজম্।
বেদাত্মাম্বুজ সূর্যো য তস্মৈ শ্রীগুরবে নমঃ।।

স্থাবরং জঙ্গমং ব্যাপ্তং যৎকিঞ্চিৎ সচরাচরম্।
তৎপদং দর্শিতং যেন তস্মৈ শ্রীগুরবে নমঃ।।

চিন্ময়ং ব্যাপিতং সৰ্ব্বং ত্রৈলোক্যং সচরাচরম্।
তৎপদং দর্শিতং যেন তস্মৈ শ্রীগুরবে নমঃ।।

চৈতন্যং শাশ্বতং শান্তং ব্যোমাতীতং নিরঞ্জনম্ ।
বিন্দুনাদ কলাতীতং তস্মৈ শ্রীগুরবে নমঃ।।

যস্য স্মরণমাত্রেণ জ্ঞানমুৎপদ্যতে স্বয়ম।
স এব সৰ্ব্বসম্পন্নঃ তস্মৈ শ্রীগুরবে নমঃ।।

স্থাবরং নিৰ্ম্মলং শান্তং জঙ্গমং স্থিরমেব চ।
ব্যাপ্তং যেন জগৎসৰ্ব্বং তস্মৈ শ্রীগুরবে নমঃ।।

জ্ঞানশক্তি সমারূঢ়ং তত্ত্বমালা বিভূষিতম্।
ভক্তিমুক্তি প্রদাতারং তস্মৈ শ্রীগুরবে নমঃ।।

অনেকজন্মসংপ্রাপ্ত কর্মবন্ধ বিদাহিনে।।
আত্মজ্ঞান প্রদানেন তস্মৈ শ্রীগুরবে নমঃ।।

শোষণং ভবসিন্ধোশ্চ জ্ঞাপনং সারসম্পদাম্।
গুরোঃ পাদোদকং সম্যক্ তস্মৈ শ্রীগুরবে নমঃ।।

মন্নাথঃ শ্রীজগন্নাথো মদ্গুরুঃ শ্রীজগদ্গুরুঃ।
মদাত্মা সৰ্বভূতাত্মা তস্মৈ শ্রীগুরবে নমঃ।।

মৎপ্রাণাঃ শ্রীগুরোপ্রাণাঃ মদ্দেহোগুরুমন্দিরম্।
পূর্ণমন্তবহির্যেন তস্মৈ শ্রীগুরবে নমঃ।।

গুরুরাদিরনাদিশ্চ গুরুঃ পরম দৈবতম্।
গুরোঃ পরতরং নাস্তি তস্মৈ শ্রীগুরবে নমঃ।।

ধ্যানমূলং গুরুমূৰ্ত্তি পুজামূলং গুরুপদম্।
মন্ত্রমূলং গুরুর্বাক্যং মোক্ষমূলং গুরোঃ কৃপা।।

বন্দেহহং সচ্চিদানন্দং ভেদাতীতং জগদ্গুরুং
নিত্যং পূর্ণং নিরাকারং নির্গুণং সর্বসংস্থিতম।।

পরাৎপরতরং ধ্যেয়ং নিত্যমানন্দকারকং
হৃদয়াকাশমধ্যস্থং শুদ্ধ স্ফটিকসন্নিভম্।।

নিত্যং শুদ্ধং নিরাভাসং নির্বিকারং নিরঞ্জনম্।
নিত্যবোধং চিদানন্দং গুরুর্ব্রহ্মং নমাম্যহম্।।

মন্ত্রঃ সত্যং পূজা সত্যং সত্যং দেবোনিরঞ্জনঃ।
গুরুর্বাক্যং সদা সত্যং সত্যমেব পরং পদম্ ।।
নমো ব্রহ্মণ্যদেবায় গোব্রাহ্মণহিতায় চ।।
জগদ্ধিতায় কৃষ্ণায় গোবিন্দায় নমো নমঃ।।

হে কৃষ্ণ করুণাসিন্ধো দীনবন্ধো জগৎপতে।
গোপেশ গোপীকাকান্ত রাধাকান্ত নমোস্তুতে।।

কৃষ্ণায় বাসুদেবায় হরয়ে পরমাত্মনে।
প্ৰণতক্লেশনাশায় গোবিন্দায় নমো নমঃ।।

নমস্তে পুণ্ডরীকাক্ষ নমস্তে পুরুষোত্তম।
নমস্তে সৰ্বলোকাত্মন নমস্তে তিগ্মচক্রিণে।।

ব্রহ্মত্বে সৃজতে বিশ্বং স্থিতৌ পালয়তে পুনঃ।
রুদ্ররূপায় কল্পান্তে নমস্তুভ্যং ত্ৰিমূৰ্তয়ে।।

সৰ্ব্বভূতেষু সৰ্ব্বাত্মন্ যা শক্তিরপরা তব।
গুণাশ্রয়া নমস্তস্যৈ শাশ্বতায়ৈ সুরেশ্বর।।

যাতীতা গোচরা বাচাং মনসাঞ্চাবিশেষণা।
জ্ঞানিজ্ঞানপরিচ্ছেদ্যা তাং বন্দে চেশ্বরীং পরাম্।।

ওঁ নমঃ বাসুদেবায় তস্মৈ ভগবতে সদা।
ব্যাতিরিক্তং ন যস্যাস্তি ব্যাতিরিক্তোঽখিলস্য যঃ।।

নমোঽস্তু বিষ্ণবে তস্মৈ যস্যাভিন্নমিদং জগৎ।
ধ্যেয়ঃ স জগতামাদ্যঃ প্রসীদতু মমব্যয়ঃ ।।

নমোঽস্তু বিষ্ণবে তস্মৈ নমস্তস্মৈ পুনঃ পুনঃ।
যত্ৰ সৰ্ব্বং যতঃ সৰ্ব্বং যঃ সৰ্ব্বং সৰ্ব্বসংশয়ঃ ।।

ওঁ গুরোঃ কৃপা হি কেবলম্। ওঁ গুরোঃ কৃপাহি কেবলম্।
ওঁ গুরোঃ কৃপা হি কেবলম্।।